Ilmandi hreint heimili með Gain

Gain er í gríðarlegu uppáhaldi hjá mér! Fyrir alla sem eiga eftir að finna dásamlegu lyktina af Gain vörunum þá mæli ég með því að þið gerið það núna!

Það er erfitt að greina nákvæmlega hvað það er sem gerir lyktina svona góða og gerir það að verkum að maður verður nánast háður henni, en aðal tónarnir eru greinilega grænt epli, sítrus ávöxtur og gras. Lyktin í þvottaefninu vinnur sig inn í klæðnaðinn á mildan hátt, ekki þannig að fötin anga og tekur yfir, heldur meira þannig að þvottahúsið ilmar og gerir upplifunina þar hreinni og ef hægt er að segja, skemmtilegri. Lyktin vaknar svo aftur upp þegar maður klæðir sig í fötin og lifir með manni út daginn á mjög mildan hátt.

Vörurúrvalið sem Kostur býður upp á af Gain er mjög breitt, hægt er að fá nánast allt til að þrífa.

Örtrefjatuskurnar frá Gain eru þær lang bestu sem ég hef prófað, ég á núna 6 stk af þessum tuskum og ég vil helst ekki nota aðrar tuskur. Þær eru mjög mjúkar, draga alveg rosalega vel í sig öll óhreinindi og allur vökvi helst vel í þeim, hvort sem það er þegar maður er að þurrka af og maður vill halda tuskunni rakri eða þegar maður er að þurrka upp vökva sem helst hefur niður.

Mér finnst svona þvottapúðar lang þægilegastir og fljótlegastir, þess vegna nota ég þá mest. Það er bara eitthvað svo einfalt að taka einn svona púða, henda honum inn í tromluna með þvottinum og setja af stað. Púðarnir hreinsa líka alveg sérstaklega vel

Mér finnst gott að nota fljótandi þvottaefni þegar annað hvort lítið er af þvotti í vélinni eða mjög mikið þannig að púðarnir henta ekki jafn vel. Það er einfalt að mæla hversu mikið af þvottaefni á að setja en í lokinu eru merki sem maður hellir upp að. Fyrir lítið magn af þvottaefni hellir maður upp að súlu 1 sem hentar þegar maður er með aðeins örfáar flíkur í vélinni, og fyrir mikið magn af þvottaefni hellir maður að súlu 4, sem hentar til dæmis þegar maður þrífur rúmföt.

Ilmkúlurnar nota ég svo ef ég er með viðkvæman þvott svo sem ullarteppi og þarf að nota sérstaka ullarsápu en vil samt fá yndislegu Gain lyktina í teppið. Það er líka hægt að nota kúlurnar með Gain þvottaefninu til þess að fá extra mikla lykt.

Þvottaskjóðan frá Gain eru mjög fallegar og vandaðar. Þær henta vel undir allan viðkvæman þvott svo sem silki skirtur og brjóstahaldara. Ég nota svona þvottaskjóðu einnig undir barnasokka þar sem þeir eiga það til að festast í gúmmíhringnum í þvottavélinni.

Límrúllan frá Gain límir vel við sig allt ryk og gæludýrahár. Hún skilur líka eftir sig alveg dásamlega Gain lykt í flíkina, þannig frískar rúllan flíkina aðeins upp um leið og hún er yfirborðsþrifin.

Ég mæli mikið með að þið skoðið Gain vörurnar í Kosti. Ef þið fýlið svona ferska og bjarta lykt eins og ég þá eigiði eftir að elska þessar vörur.

Ykkar, Linda Ben

Allar vörur sem fjallað er um í þessari færslu fást í Kosti

Read More

Risaeðlu franskar og kjötlausir hamborgarar sem krakkar elska!

Ég þekki það vel hvað það getur verið erfitt að fá litla gorma til að borða matinn sinn. Ég var því svo ótrúlega glöð þegar ég sá Dr. Praegers vörurnar í Kosti. Dr. Praeger’s framleiðir hollt, glútein laust og lífrænt grænmetisfæði sem er handhægt, fljótlegt og hollt, fullkomið fyrir uppteknar fjölskyldur sem vilja aðeins það besta.

Það skemmtilegasta við Dr. Praeger’s að mínu mati er krakka maturinn. Þar eru grænmetisbuff skorin út í alskonar mynstur eins og t.d. risaeðlur, bangsar og stjörnur og krakkar elska það! Strákurinn minn ætlaði ekki að trúa sínum eigin augum þegar hann sá þetta. Hann vildi ólmur fá að elda með mér og úr varð æðislega skemmtileg stund í eldhúsinu. Ég tók líka eftir því hvað hann borðaði ótrúlega vel.

Það er svo gaman hvað eins einfaldir hlutir gleðja krakka mikið og fá þau til þess að borða mikið meir.

Ég gerði hamborgara með grænmetisborgara frá dr. Praeger’s með sveppum og risotto. Þær voru æðislega bragðgóðir, áferðin var mýkri en venjulegt hakk sem strákurinn minn elskaði og við foreldrarnir líka. Risaeðlu sætkartöflu „franskarnar“ slóu rækilega í gegn hjá mínum (yngri) manni

Hamborgaranir og „frönskurnar“ voru ofur einfaldir að gera og gat strákurinn minn hjálpað við öll skrefin. Það eina sem þarf að gera er að raða borgurunum á ofnskúffu ásamt frönskunum og setja inn í ofn. Á meðan er grænmetið skorið og brauðin hituð.

Fyrir þá sem eru með glútein óþol henta þessir borgarar vel en þá vil ég benda ykkur á hamborgarabrauðin frá Udi’s sem eru æðislega góð, ég fjalla um þau hér.

Njótið vel!

Ykkar, Linda Ben

Öll hráefni sem fjallað er um í þessari færslu fást í Kosti

Read More

Bragðmikill spagettí réttur eldaður í einum potti

Shur Fine matvörurnar eru góðar vörur á virkilega góðu verði. Þessi réttur er fullur af hollustu, mettar alla vel og uppfyllir kröfuhörðustu nautnaseggi hvað varðar bragð. En það besta er hvað rétturinn ódýr.

Bragðmikill spagettí réttur eldaður í einum potti

  • Laukur
  • 1,5 box af sveppum
  • 1 gul paprika
  • ¼ tsk chilli flögur
  • salt og pipar
  • 1 dós niðursoðnir tómatar
  • 600 ml grænmetissoð
  • 300 g spagettí
  • 200 g spínat
  • parmesan ostur

Aðferð:

  1. Skerið laukinn, sveppina og paprikuna niður í frekar smáa bita, steikið grænmetið á djúpri pönnu  eða potti við meðal láan hita í um það bil 5 mín. Kryddið grænmetið með chilli flögum, salti og pipar.
  2. Hellið tómötunum og soðinu út í pottinn, hrærið saman og setjið pastað út í, setjið lokið á og sjóðið.
  3. Þegar spagettíið hefur soðið í um það bil 5 mín, setjiði þá spínantið út ofan í pottinn, sjóðið saman þangað til spagettíið er tilbúið.
  4. Rífið parmesan ost yfir réttinn og berið fram.

Njótið vel!

Ykkar, Linda Ben

Öll hráefni í þennan rétt fást í K0sti

Read More

Sumarlegt salat með ferkum apríkósum

Þetta sumarlega salat hentar sem meðlæti með nánast hvaða mat sem er. Einnig er hægt að steikja kjúklingabringur eða annað í bitum og setja út á til að gera það að aðalrétti.

Ég hef ekki oft áður séð ferskar apríkósur hér á Íslandi en ég hef oft keypt þær þegar ég er erlendis. Ég hreinlega varð því að kaupa þær þegar ég sá þær í Kosti um daginn. Fersku apríkósurnar eru alveg dásamlega góðar einar og sér en hér gera alveg ótrúlega mikið fyrir salatið.

Salat með ferskum apríkósum

  • 1 lítill haus dökkt blaðsalat
  • 1 avokadó
  • 5-7 kirsuberjatómatar
  • ½ kubba fetaostur, ekki í olíu
  • 6 ferskar apríkósur
  • hágæða og bragðgóð ólífu olía
  • salt og pipar

Aðferð:

  1. Skolið öll hráefni og þerrið mjög vel, það heldur salati fersku lengur.
  2. Rífið salatið niður í skál eða fallegan disk.
  3. Steinhreinsið avokadóið og skerið öll hráefnin í litla bita. Dreifið öllu jafnt ofan á salatið.
  4. Hellið ólífu olíu yfir salatið í örmjórri bunu, kryddið svo með salt og pipar eftir smekk.

Njótið vel!

Ykkar, Linda Ben

Öll hráefni í þessa færslu fást í Kosti

Read More

Stökkir vegan lundir

Sjö korna stökku lundirnar frá Gardein eru vegan, mjólkur lausir og innihalda ekki erfðabreytt innihaldsefni. Lundirnar líkjast mikið kjúklingalundum, svo mikið að maðurinn minn sem ég eldaði fyrir hélt fyrst að þetta væri alvöru kjöt.

Þetta er því frábært réttur fyrir þá sem eru að leitast eftir því að minnka kjötneyslu sína og að sjálfsögðu fyrir grænmetisætur.

Það eru ótal leiðir til þess að bera fram þessa lundi og bragðast þeir alltaf jafn vel. Þetta skiptið ákvað ég að steikja grænmeti sem ég átti til heima og til þess að hafa réttinn ennþá einfaldari þá notaði ég tilbúna sweet chilli sósu sem dressingu. Útkoman var stórkostleg og því finnst mér kjörið að deila þessum eifalda, holla og fljótlega rétti með ykkur.

Vegan stökkir lundir með steiktu grænmeti

  • Gardein, sjö korna stökkir lundir
  • 1 hvítlauksgeiri
  • 1 shallot laukur (eða hálfur venjulegur laukur)
  • 1 haus brokkolí
  • 5 litlar til meðal stórar gulrætur
  • 1 bakki sveppir
  • Sweet chilli sósa

Aðferð:

  1. Stillið ofninn á 220ºC
  2. Setjið smjörpappír á ofnplötu og leggið stökku lundina á plötuna, þegar ofninn hefur náð hitastigi setjið lundina í ofninn, bakið í um það bil 16-20 mín.
  3. Skerið laukinn smátt niður og steikið upp úr olíu við meðal hita.
  4. Skerið sveppina og blómkálið í bita og setjið út á pönnuna.
  5. Skerið gulræturnar í lengjur með grænmetis flysjara og setjið út á pönnuna.
  6. Skerið hvítlaukinn smátt niður og setjið út á pönnuna. Lækkið hitann á pönnunni og leyfið grænmetinu að malla á pönnunni á meðan lundirnir klára að bakast í ofninum.
  7. Berið fram með sweet chilli sósu.

Njótið vel!

Ykkar, Linda Ben

Öll hráefni í þessa uppskrift fást í Kosti

Read More

Tómat og parmesan farró risottó

Farró er kornmeti sem var mikið borðað í Rómverska stórveldinu.

Þetta forna korn er aftur orðið vinsælt í dag en það er vegna þess að það er mjög næringarríkt og hefur góð áhrif á líkamsstarfsemina. Þó svo að það innihaldi glútein þá inniheldur það samt minna magn af glúteini en hveiti, ásamt því að ef það er eldað rétt þá er það melt svipað og súdeig er melt í líkamanum. Þess vegna eru þeir sem eru viðkvæmir fyrir glúteini, líklegri til þess að þola farró.

Farró er virkilega bragðgott en bragðið er mjúkt, ríkt og maður verður smá var við hnetukeim. Það þó ekki bara bragðgott því það er einnig próteinríkt, inniheldur mikið magn trefja og er fullt af næringarefnum eins og magnesíum og járni.

Hægt er að bera þennan risottó rétt fram sem meðlæti eða sem léttan aðalrétt fyrir 2-3 manns.

  • 3 msk ólífu olía
  • 1 lítill rauðlaukur smátt skorinn
  • 3 hvítlauksgeirar, smátt skornir
  • 3,5 dl farró
  • 1 dl hvítvín (má sleppa)
  • 1 líter vatn
  • 1 kjúklingateningur
  • Niðursoðnir tómatar (hellið vatninu af)
  • 1 dl parmesan ostur
  • ferskur tómatur.
  • salt og pipar
  • Vorlaukur

Aðferð:

  1. Skerið rauðlaukinn smátt niður og steikið hann upp úr olíu í djúpri pönnu eða potti.
  2. Bætið farróinu á pönnuna ásamt hvítlauknum, steikið í u.þ.b. 3 mín.
  3. Hellið hvítvíninu út á pönnuna og steikið á meðal hita þangað til það hefur gufað upp.
  4. Hellið vatninu út á pönnuna, þannig að það fljóti smá vatn yfir farróinu, brjótið kjúklingatening út á. Setjið lokið á pönnuna og látið sjóða þangað til vatnið er allt gufað upp. Hrærið reglulega í og haldið áfram að hella vatninu rólega út á í skömmtum þangað til allt vatnið er búið.
  5. Setjið niðursoðnu tómatana út á pönnuna og sjóðið þá saman við í nokkrar mín.
  6. Bætið við parmesan ostinum og látið hann bráðna við.
  7. Skerið tómat smátt niður og setjið hann út á pönnuna, blandið saman.
  8. Smakkið til með salt og pipar.
  9. Skreytið með vorlauk.

Njótið vel!

Ykkar, Linda Benediktsdóttir

Öll innihaldsefni í þennan rétt fást í Kosti

Read More

Bragðgóðar hrísgrjónavefjur

Oft eigum við afganga sem erfitt er að nýta og því miður fer alltof mikið til spillis af mat á íslenskum heimilum. Ein góð leið til að nýta afganga er að útbúa vefjur, það er ótrúlegt hvað hægt er að gera með afgangs meðlæti og smá hugmyndaflugi.

Ég átti til heima hrísgrjónarétt frá Kitchens of India og sætar kartöflur og ákvað að blanda þeim saman. Setti svo réttinn inn í heilkorna vefjur og var þá komin með heislusamlega og bragðgóða máltíð fyrir okkur fjölskylduna.

Að sjálfsögðu er líka hægt að nýta þennan hrísgrjónarétt frá Kitchens of India sem meðlæti með öðrum mat.

Hrísgrjónavefjur:

  • Basmati Rice Pilaf frá Kitchens of India
  • Sætar kartöflur
  • Vefjur
  • Salat
  • Sýrður rjómi

Aðferð:

  1. Setjið hrísgrjónaréttinn frá Kitchens of India í pott ásamt sætu kartöflunum. Hitið þangað til allt er orðið heitt í gegn.
  2. Smyrjið vefjurnar með sýrðum rjóma, setjið um það bil 2 dl af hrísgrjónaréttinum á hverja vefju og rúllið upp.

Njótið vel!

Ykkar, Linda Ben

Öll hráefni í þessa uppskrift fást í Kosti

Read More

Grænmetisborgari

Einfaldur og virkilega bragðgóður grænmetisborgari

Grænmetisborgari

Grænmetisborgarinn frá Goodlife er virkilega gómsætur!

Borgarinn sjálfur er vegan og er mjög ríkur af hollum og góðum próteinum. Hann inniheldur meðal annars, hvítar og rauðar nýrnabaunir, gular baunir, gulrætur og rauða papriku sem er lokað inn í stökkri brauðmylnsnu himnu. Borgarinn er kryddaður með chipotle sem gerir hann örlítið spicy en það er alls ekki yfirgnæfandi, það er meira til þess að gera grænmetisbragðið skemmtilegra og betra.

Það er virkilega einfalt að útbúa þessa borgara, akkurat það sem hentar þegar maður vill ekki eyða of miklum tíma í eldhúsinu en vill samt fá eitthvað hollt og gott.

Borgarinn er bakaður inn í ofni við 200°C í 20 mín, ég stakk brauðunum inn í ofninn seinustu 2 mínúturnar og skar niður grænmetið á meðan. Svo er hægt að setja venjulega hamborgara sósu ef maður vill eða salsa sósu en ég valdi að nota Ranch sósu frá Hidden Valley.

Grænmetisborgarinn frá Goodlife fær topp einkun frá mér! Einfaldur og virkilega bragðgóður matur sem allir geta eldað.

Grænmetisborgari

Ykkar, Linda Ben

Goodlife grænmetisborgarinn fæst í Kosti

Read More

Orkukúlur með poppuðu amaranth

Amaranth eru pínulítil fræ sem eru mjög próteinrík og af steinefnum. Hægt að nota á marganhátt í matargerð. Hægt er að sjóða þau á svipaðan hátt og maður gerir við hrísgrjón en það er einnig hægt að poppa þau sem ég ákvað að gera í þessari uppskrift. Það gerir svo skemmtilega áferð að hafa poppuð amaranth fræ í svona hrákökum eða orkukúlum eins og ég kýs að kalla þessar hollu kúlur mínar.

Það er virkilega einfalt að poppa amaranth. Maður einfaldlega steikir þau á þurri pönnu í litlum skömmtum. Það tekur virkilega stutta stund því fræin eru svo lítil.

Gómsætar orkukúlur með poppuðu amaranth

Gómsætar orkukúlur með poppuðu amaranth

Orkukúlur með poppuðu amaranth

  • 90 g graskersfræ (skipt í tvo skammta)
  • 20 g amaranth frá Bob’s Red Mill
  • 80 g möndlur
  • 60 g ferskar döðlur (steinhreinsaðar)
  • 1 cm ferskt túrmerik eða ½ tsk túrmerik duft
  • ½ tsk kanill
  • 2 tsk hágæða sykurlaust kakó frá Hershey’s
  • 1 tsk vanilludropar
  • 1 msk hunang
  • appelsínusafi til að binda saman

Aðferð:

  1. Setjið 20 g af amaranth í skál, steikið eina teskeið í einu af amaranth á lítilli þurri pönnu (ekki nota olíu) sem er miðlung til mjög heit. Amaranth-ið fer fljótlega að poppa, hrisstið það svolítið til á pönnunni til að það poppist allt og passið að það brenni ekki (tekur 1-2 mín). Setjið poppaða amaranth-ið í skál og poppið afganginn eina teskeið í einu.
  2. Myljið 40 g af graskersfræjum í matvinnsluvél, setjið svo í skál og leggið til hliðar.
  3. Setjið 50 g af graskersfræjum, möndlur, poppaða amaranth-ið og möndlur í matvinnsluvél og maukið.
  4. Setjið túrmerik, kakó og kanil í matvinnsluvélina og blandið saman við.
  5. Hellið vanilludropum og hunangi út á og blandið.
  6. Hellið appelsínusafa út á, mjög lítið í einu, og blandið. Einungis setja safa þangað til allt klístrast saman en er samt mjög stíft ennþá.
  7. Hnoðið í bitastórar kúlur og veltið hverri kúlu upp úr muldu graskersfræjunum.

Gómsætar orkukúlur með poppuðu amaranth Gómsætar orkukúlur með poppuðu amaranth

Njótið vel!

Ykkar, Linda Benediktsdóttir

Öll hráefni í þessa færslu fást í Kosti

Read More

Gómsætur grænmetis pastaréttur sem er fljótlegur og einfaldur

Þetta er bragðgóður og hollur pastaréttur sem er einfaldur og fljótlegur að útbúa.

img_4187

Lundberg er hrísgrjóna framleiðandi sem framleiðir hágæða hrísgrjón. Þeir framleiða einnig pasta úr hrísgrjónum en hrísgrjónapasta er frábært fyrir þá sem eru með ofnæmi fyrir hveiti eða glúteini.  img_4202

Gómsætur grænmetis pastaréttur 

  • 2 hvítlauksgeirar
  • 1 rauðlaukur
  • 1 ferskur rauður chillí
  • 15 g ferskt timjan
  • 250 g kastaníu sveppir
  • 320 g blómkál
  • Ólífu olía
  • 200 g gróft penne pasta, ég notaði pasta úr brúnum hrísgrjónum frá Lundberg
  • 100 g rjómaostur
  • 1 sítróna
  • 20 g Parmesan ostur

Aðferð:

  1. Byrjið á því að setja vatn í stóran pott og setja 1 tsk af salti í vatnið, látið suðuna koma upp.
  2. kera hvítlaukinn og laukinn smátt niður og steikið hann á pönnu upp úr ólífu olíu þangað til hann verður glær.
  3. Skerið chillí-ið (takið fræin frá ef þið viljið ekki hafa réttinn sterkan) og fjarlægið laufin af timjan stilkunum. Setjið út á pönnuna og steikið með.
  4. Skerið niður 200 g af sveppunum (skiljið 50 g eftir) og skerið niður blómkálið smátt. Setjið út á pönnuna. Eldið varlega í um það bil 10 mín eða þangað til blómkálið er orðið mjúkt.
  5. Sjóðið pastað í pottinum með salt vatninu þangað til það er nánast tilbúið, það á að vera örlítið stíft.
  6. Skerið niður restina af sveppunum.
  7. Stappið blómkálið örlítið niður á pönnunni með gaffli. Setjið rjómaostinn út á pönnuna og bræðið hann saman við. Rífið börkinn af sítrónunni og kreystið safann úr henni hálfri. Kryddið með salt og pipar eftir smekk.
  8. Setjið pastað úr á pönnuna ásamt um það bil 1 dl af pastavatninu til þess að gera smá meiri „sósu“
  9. Eldið á pönnunni þangað til pastað er eldað í gegn og berið fram.

img_4203

Njótið vel!

Ykkar, Linda Benediktsdóttir

Öll hráefni sem fjallað er um í þessari færslu fást í Kosti

Read More