Dr. Bronner’s 18 sápur í einum brúsa!

Dr. Bronner’s 18 í 1 sápurnar henta í nánast hvaða þrif sem er! Andlit, líkami, hár, tennur, uppvask, þvott, gólf og gæludýr, allt er þetta það sem þú getur þrifið með einni og sömu sápunni. Það besta er að sápan inniheldur engin rotvarnarefni, þvottaefni eða freyðiefni. Einnig er hún lífræn, vegan, „fair trade“, holl fyrir líkamann og jörðina.

Dr. Bronner framleiðir sápur eftir aldagömlum aðferðum sem þýðir að leitast er eftir náttúrulegum hráefnum í staðinn fyrir að nota ónáttúruleg og jafnvel skaðleg hreinsiefni. Sápurnar koma með mörgum mismunandi ilmum; möndlu, rósa, tea tree, sítrus, eucalyptus, lavender, piparmyntu og án ilmefna.

Hvernig á að nota Dr. Bronner 18 í 1 sápurnar?

  1. Andlit: 2-3 dropar í blauta lófa og borið á blautt andlit.
  2. Líkami: Ein lítil sprauta (á stærð við 5 kr pening) borin á blautan líkamann.
  3. Hár: Setjið ½ msk í lófann, nuddið í hárið, skolið sápuna úr hárinu.
  4. Bað: Fer svolítið eftir því hve stórt baðið er og hvað er notað mikið af vatni en gott er að miða við 2 msk í meðalstórt bað (freyðir ekki en hreinsar líkamann).
  5. Rakstur: Andlit – 10 dropar; Handakriki: 3 dropar; Fætur – ½ msk; Nuddið sápunni saman í lófunum og berið á svæðið.
  6. Tennur: 1 dropi á tannburstann (bragðast eins og sápa samt)
  7. Fóta bað: 1½ tsk í lítinn bala af heitu vatni.
  8. Losa um stíflu í meltingarveginum: 1 msk í skál fulla af sjóðandi heitu vatni. Andið inn gufunni með handklæði yfir hausnum og skálinni.
  9. Uppvask: Blandið í sápu og vatni í brúsa í 1:10 hlutföllum, þrífið diskana eins og vanalega.
  10. Þvottur: 1½ dl af sápu fyrir mikinn þvott í venjulega þvottavél. Bætið við 1 dl af ediki þegar vélin er að skola.
  11. Gólf: 1 dl af sápu í 10 lítra af heitu vatni.
  12. Gluggar: 1 msk af sápu í 1 líter af vatni í sprey brúsa. Skolið rúðurnar með vatni og ediki í 1:1 hlutföllum.
  13. Klósett: Í brúsa blandið sápu og vatni í 1:4 hlutföllum, bætið við ¼ tsk tea tree olíu útí, tæmið klósettið og þrífið það. Setjið matarsóda á klósettburstann og skrúbbið klósettið, látið standa í 10 mín, kveikið aftur á vatninu og sturtið niður.
  14. Ávaxta og grænmetis hreinsir: Setjið ¼ tsk í skál af vatni, setjið ávextina eða grænmetið í vatnið og þvoið, skolið svo aftur með vatni.
  15. Hunda sápa: Magn fer eftir stærð hundsins, hártegund og lengd, og að sjálfsöfðu eftir því hversu skítugur hundurinn er. Bleytið hundinn vel með vanti, vinnið sápu í feldinn, 1 tsk í einu, þangað til sápan þekur allan feldinn. Skolið feldinn svo vel eftir á.
  16. Pöddueyðir á plöntur: 1 msk af sápu blandað í 1 líter af vatni. Bætið við ½ tsk af cayenne pipar eða kanil, ef vilji er fyrir hendi.
  17. Pöddueyðir: 1 dl af tea tree sápu í 1 líter af vatni.

Einnig er hægt að fá Dr. Bronner sápurnar sem sápustykki sem henta vel við vaskinn og í sturtuna. Sápurnar eru að sjálfsögðu vegan, lífrænar og „fair trade“. Lífræn hemp olía sér til þess að sápan þurrkar ekki húðina. Sápan er pökkuð inn í 100% endurunninn pappír.

Dr. Bronner sápurnar fást í Kosti!

Read More

Heilsusamlegur og fljótlegur morgunmatur

Morgunkornið Heritage O’s eru í gríðarlegu uppáhaldi hjá mér! Það líkist venjulegu Cheerios-i nema hvað það er töluvert hollara þar sem það er trefjaríkara, inniheldur minni sykur, er lífrænt og inniheldur engin erfðabrætt efni eða sterkju.

Hringirnir eru stökkir og þéttari undir tönn en venjulegt Cheerios og virkilega gómsætir! Þeir eru ekki sætir en bragðið er ljúft og gott. Hringirnir haldast stökkir í mjólkinni og jógúrtinu þannig maður þarf ekki að flýta sér að borða eins og með mörg önnur morgunkorn sem verða slepjuleg eftir smá stund.

Hægt er að para hringina með hinum ýmsu mjólkurtegundum og jógúrtum. Mér persónulega finnst best að borða Heritage O’s með AB-mjólk og niðurskornum ferskum jarðaberjum ef ég á þau til.

Til gamans má nefna að sonur minn sem er tæplega 4 ára elskar Heritage O’s en hann lætur yfirleitt ekkert inn fyrir sínar varir nema það sé gott. Því getiði verið viss um að hér er á ferðinni gott og hollt morgunkorn.

Ef þið hafið prófað Heritage O’s væri gaman að heyra ykkar upplifun í athugasemd hér fyrir neðan!

Ykkar, Linda Ben.

Read More

Fljótlegir kjúklingavængir með gráðostasósu

Mig langar að deila með ykkur algjörri snilld sem slær alltaf í gegn á mínu heimili en það eru tilbúnir sterkir kjúklingavængir. Þá er hægt að kaupa full eldaða í Kosti, í æðislega góðum kryddlegi svo það eina sem ég þarf að gera er að skella þeim á grillið (eða inn í ofn á 200°C) og hita þá vel. Þetta er því hinn fullkomni þæginda matur þegar maður vill gera vel við sig.


Þegar ég vil gera extra vel við okkur set ég auka vængjasósu yfir vængina, en þá finnst mér Red Hot Wings frá Frank’s lang best og koma aðrar sósur ekki með tærnar þar sem þessi sósa hefur hælana.

Það er algjört skilyrði að útbúa gráðostasósu með vængjunum og bera þá fram með sellerístilkum en sósuna er mjög einfalt að gera.

Gráðostasósa:

  • 125 ml majónes
  • 90 ml sýrður rjómi
  • 60 g gráðostur
  • salt og pipar eftir smekk

Aðferð:

  1. Hræðið majónesið og sýrða rjóman saman í skál.
  2. Brjótið gráðostinn smátt út í og hrærið saman við
  3. Kryddið með salt og pipar eftir smekk.

Njótið vel!

Ykkar, Linda Ben

Allar vörur sem fjallað er um í þessari færslu fást í Kosti

Read More

Ilmandi hreint heimili með Gain

Gain er í gríðarlegu uppáhaldi hjá mér! Fyrir alla sem eiga eftir að finna dásamlegu lyktina af Gain vörunum þá mæli ég með því að þið gerið það núna!

Það er erfitt að greina nákvæmlega hvað það er sem gerir lyktina svona góða og gerir það að verkum að maður verður nánast háður henni, en aðal tónarnir eru greinilega grænt epli, sítrus ávöxtur og gras. Lyktin í þvottaefninu vinnur sig inn í klæðnaðinn á mildan hátt, ekki þannig að fötin anga og tekur yfir, heldur meira þannig að þvottahúsið ilmar og gerir upplifunina þar hreinni og ef hægt er að segja, skemmtilegri. Lyktin vaknar svo aftur upp þegar maður klæðir sig í fötin og lifir með manni út daginn á mjög mildan hátt.

Vörurúrvalið sem Kostur býður upp á af Gain er mjög breitt, hægt er að fá nánast allt til að þrífa.

Örtrefjatuskurnar frá Gain eru þær lang bestu sem ég hef prófað, ég á núna 6 stk af þessum tuskum og ég vil helst ekki nota aðrar tuskur. Þær eru mjög mjúkar, draga alveg rosalega vel í sig öll óhreinindi og allur vökvi helst vel í þeim, hvort sem það er þegar maður er að þurrka af og maður vill halda tuskunni rakri eða þegar maður er að þurrka upp vökva sem helst hefur niður.

Mér finnst svona þvottapúðar lang þægilegastir og fljótlegastir, þess vegna nota ég þá mest. Það er bara eitthvað svo einfalt að taka einn svona púða, henda honum inn í tromluna með þvottinum og setja af stað. Púðarnir hreinsa líka alveg sérstaklega vel

Mér finnst gott að nota fljótandi þvottaefni þegar annað hvort lítið er af þvotti í vélinni eða mjög mikið þannig að púðarnir henta ekki jafn vel. Það er einfalt að mæla hversu mikið af þvottaefni á að setja en í lokinu eru merki sem maður hellir upp að. Fyrir lítið magn af þvottaefni hellir maður upp að súlu 1 sem hentar þegar maður er með aðeins örfáar flíkur í vélinni, og fyrir mikið magn af þvottaefni hellir maður að súlu 4, sem hentar til dæmis þegar maður þrífur rúmföt.

Ilmkúlurnar nota ég svo ef ég er með viðkvæman þvott svo sem ullarteppi og þarf að nota sérstaka ullarsápu en vil samt fá yndislegu Gain lyktina í teppið. Það er líka hægt að nota kúlurnar með Gain þvottaefninu til þess að fá extra mikla lykt.

Þvottaskjóðan frá Gain eru mjög fallegar og vandaðar. Þær henta vel undir allan viðkvæman þvott svo sem silki skirtur og brjóstahaldara. Ég nota svona þvottaskjóðu einnig undir barnasokka þar sem þeir eiga það til að festast í gúmmíhringnum í þvottavélinni.

Límrúllan frá Gain límir vel við sig allt ryk og gæludýrahár. Hún skilur líka eftir sig alveg dásamlega Gain lykt í flíkina, þannig frískar rúllan flíkina aðeins upp um leið og hún er yfirborðsþrifin.

Ég mæli mikið með að þið skoðið Gain vörurnar í Kosti. Ef þið fýlið svona ferska og bjarta lykt eins og ég þá eigiði eftir að elska þessar vörur.

Ykkar, Linda Ben

Allar vörur sem fjallað er um í þessari færslu fást í Kosti

Read More

Gullfalleg gulrótakaka

Í kosti fæst alveg ótrúlega fjölbreytt úrval af allskonar sælgæti. Mörg þeirra eru rosalega falleg og henta vel til þess að skreyta kökur og gera þær guðdómlega fallegar.

Ég mæli mikið með því að þið prófið til dæmis næst að nota candy floss í það skreyta köku, það gefur svo ótrúlega skemmtilegt og óvenjulegt útlit sem gerir kökuna guðdómlega fallega.

Þessi kökuskreyting er mjög einföld og það þarf enga sérstaka hæfileika til þess að ná henni fallegri, þó svo að hún líti kannski út fyrir að vera flókin í fyrstu.

Gullfalleg gulrótakaka

  • Betty Crocker gulrótarkaka
  • 2 dósir smjörkrem frá Betty Crocker
  • 2 dl rjómaostur
  • 2 dl flórsykur
  • Fjólublár, blár og bleikur matarlitur
  • Karamellu kúlur og hlaup hnappar frá Kingway
  • Candy Floss

Aðferð:

  1. Bakið kökuna samkvæmt leiðbeiningum, setjið í tvö 21 cm form. Látið þá kólna vel þegar þeir eru tilbúnir.
  2. Hrærið saman við smjörkremið rjómaostinn og flórsykur. Takið 3×2 dl af kreminu (2 dl fyrir hvern matarlit sem þú notar) frá og leggið til hliðar í skálum.
  3. Skerið toppana af kökubotnunum svo þeir séu beinir og fallegir. Setjið 1 botn á kökudisk, smyrjið kremi á hann og leggið svo næsta yfir. Smyrjið kremi á kökuna alla. Skiptið afgangs (ef það er annarsvegar) á milli skálanna.
  4. Setjið bleikan matarlit í eina skálina, bláa í aðra og fjólubláan í þriðju (líka hægt að setja 1 bláan dropar og 1 bleikan dropa til þess að fá fjólubláan), blandið vel saman og setjið í sprautupoka með þremur mismunandi stútum. Ég nota stúta frá Wilton nr. 2D, 4B og 199.
  5. Setjið bleika kremið í sprautupoka með stút nr. 2D frá Wilton. Setjið fjólubláa kremið í sprautupoka með stút nr. 4B og setjið bláa kremið í sprautupoka með stút nr. 199. (þið getið líka notað aðra sprautustúta sem þið eigið jafnvel til heima).
  6. Hér er gott að nota hugmyndaflugið og gera það sem ykkur finnst fallegt. Ef þið viljið endurgera mína skreytingu þá skreytti ég kökuna svona (verið dugleg að horfa á myndina og bera saman við textann svo þetta sé auðveldara fyrir ykkur):
  7. Byrjið á því að sprauta smá af bleika, fjólubláa og bláa kreminu hér og þar á hlið kökunnar, alls ekki mikið, notið svo spatúlu eða bakhlið hnífs til að slétta úr kreminu.
  8. Takið svo bleika kremið, sprautið í hring og upp svo myndist toppur. Byrjið á einum, gerið svo annan beint á móti hinum megin á kökunni, gerið þriðja 45º til hliðar og fjórða toppinn beint á móti honum.
  9. Næst takið þið fjólubláa kremið, sprautið eina stóra doppu hliðiná bleika toppinum, sprautið bláa doppu hliðiná henni.
  10. Setjið karamellu kúlur og hlaup hnappa hér og þar á kökuna umhverfis skreytingarnar en skiljið miðjuna eftir tóma. Skreytið með bláu og fjólubláu kökuskrauti ofan á doppurnar, flott að hafa það svolítið frjálslegt sem þið náið með því að hafa hendina svolítið ofarlega þegar þið látið kökuskrautið detta.
  11. Setjið doppur af öllum kremum óreglulega umhverfis kökuna og setjð inn á milli karamellu kúlu.
  12. Take candy floss, losið aðeins um hann og setjið hann í miðjuna á kökunni, smekksatriði hvort þið viljið setja beint í miðjuna eða aðeins til hliðar eins og ég.

Njótið vel!

Ykkar, Linda Ben

Öll hráefni sem fjallað er um í þessari færslu fást í Kosti

Read More

Fljótlegt, hollt og gott fiskitakkó

Fljótlegt, hollt og gott fiskitakkó sem öll fjölskyldan mun elska!

Fljótlegt, hollt og gott fiskitakkó

  • 500 g þorskur (eða annar fiskur sem þér finnst góður)
  • 1 poki pönnusósa frá Frontera með lime og kóríander
  • 2 avocadó
  • 1 hvítlauks rif
  • 1 msk sýrður rjómi
  • ½ haus kínakál
  • ¼ haus rauðkál
  • Kóríander, 1 búnt
  • 2 stk lime
  • 1 msk mjanónes
  • 1 msk sýrður rjómi
  • 1 dós gular baunir
  • salt og pipar
  • Vefjur frá Toufayan (glútein lausar)

Aðferð:

  1. Leggið þorskinn í marineringu, látið liggja í skál í 10 mín. Steikið svo þorskinn á pönnu og hellið sósunni yfir, látið hann eldast í sósunni.
  2. Maukið avocadóið, bætið úr í 1 pressuðu hvítlauksrifi, 1 msk sýrðum rjóma og blandið öllu vel saman.
  3. Skerið kínakálið og rauðkálið í lengur, setjið í skál ásamt kóríander og gulum baunum. Bætið majónesi og sýrðum rjóma útá, kreystið ½ lime yfir og blandið öllu saman. Kryddið með salt og pipar.
  4. Raðið saman á vefjuna, t.d. guacomole neðst, svo hrásalat og fiskur. Skreytt með meira kóríander og kreista ¼ lime yfir.

Njótið vel!

Ykkar, Linda Ben

Öll hráefni í þessa uppskrift fást í Kosti

Read More

Þrifin gerð auðveld með Swiffer

Ef þið hafið ekki prófað Swiffer og vitið ekki nú þegar hversu mikil snilld það er, þá má ég til með að deila því með ykkur.

Swiffer rykkústarnir grípa í sig allt ryk, hár af gæludýrum og skilja eftir allt skínandi hreint og fínt. Þetta er frábær leið til þess að sleppa við för sem að blautar tuskur skilja oft eftir sig, auk þess að þetta er svo auðvelt og þægilegt. Það þarf aðeins að renna rétt með fram hlutum og trefjarnir í kústnum ná einhvernveginn öllu. Hægt er að koma rykkústinum fyrir inn í þröng horn og það er mjög þægilegt að nota hann til þess að þrífa rimlagardínur.

Mér finnst gaman að nefna það að krökkum finnst oft líka skemmtilegra að þrífa með rykkústum heldur en blautum tuskum og því frábær leið til þess að fá þau til þess að þrífa oftar inn í herbergjunum sínum.

Áður en maður byrjar að nota Swiffer rykkústana þarf að taka trefjana í sundur svo þeir verði svona púffaðir og stórir eins og á myndinni hér fyrir ofan. Í einum pakka eru 14 áfyllingar af trefjum en það er hægt að nota hverja þeirra mörgum sinnum.

Swiffer eru einnig með gólfmoppur, bæði þurrar og blautar. Það er dásamleg lykt af blautu gólftuskunum og þær þrífa merkilega vel. Hægt er að taka handskaftið í sundur svo það hentar vel fyrir þá sem vilja til dæmis taka gólfmoppuna með sér í sumarbústað eða fyrir þá sem búa í litlum rýmum.

Swiffer fæst í Kosti

Read More

Risaeðlu franskar og kjötlausir hamborgarar sem krakkar elska!

Ég þekki það vel hvað það getur verið erfitt að fá litla gorma til að borða matinn sinn. Ég var því svo ótrúlega glöð þegar ég sá Dr. Praegers vörurnar í Kosti. Dr. Praeger’s framleiðir hollt, glútein laust og lífrænt grænmetisfæði sem er handhægt, fljótlegt og hollt, fullkomið fyrir uppteknar fjölskyldur sem vilja aðeins það besta.

Það skemmtilegasta við Dr. Praeger’s að mínu mati er krakka maturinn. Þar eru grænmetisbuff skorin út í alskonar mynstur eins og t.d. risaeðlur, bangsar og stjörnur og krakkar elska það! Strákurinn minn ætlaði ekki að trúa sínum eigin augum þegar hann sá þetta. Hann vildi ólmur fá að elda með mér og úr varð æðislega skemmtileg stund í eldhúsinu. Ég tók líka eftir því hvað hann borðaði ótrúlega vel.

Það er svo gaman hvað eins einfaldir hlutir gleðja krakka mikið og fá þau til þess að borða mikið meir.

Ég gerði hamborgara með grænmetisborgara frá dr. Praeger’s með sveppum og risotto. Þær voru æðislega bragðgóðir, áferðin var mýkri en venjulegt hakk sem strákurinn minn elskaði og við foreldrarnir líka. Risaeðlu sætkartöflu „franskarnar“ slóu rækilega í gegn hjá mínum (yngri) manni

Hamborgaranir og „frönskurnar“ voru ofur einfaldir að gera og gat strákurinn minn hjálpað við öll skrefin. Það eina sem þarf að gera er að raða borgurunum á ofnskúffu ásamt frönskunum og setja inn í ofn. Á meðan er grænmetið skorið og brauðin hituð.

Fyrir þá sem eru með glútein óþol henta þessir borgarar vel en þá vil ég benda ykkur á hamborgarabrauðin frá Udi’s sem eru æðislega góð, ég fjalla um þau hér.

Njótið vel!

Ykkar, Linda Ben

Öll hráefni sem fjallað er um í þessari færslu fást í Kosti

Read More

Bragðmikill spagettí réttur eldaður í einum potti

Shur Fine matvörurnar eru góðar vörur á virkilega góðu verði. Þessi réttur er fullur af hollustu, mettar alla vel og uppfyllir kröfuhörðustu nautnaseggi hvað varðar bragð. En það besta er hvað rétturinn ódýr.

Bragðmikill spagettí réttur eldaður í einum potti

  • Laukur
  • 1,5 box af sveppum
  • 1 gul paprika
  • ¼ tsk chilli flögur
  • salt og pipar
  • 1 dós niðursoðnir tómatar
  • 600 ml grænmetissoð
  • 300 g spagettí
  • 200 g spínat
  • parmesan ostur

Aðferð:

  1. Skerið laukinn, sveppina og paprikuna niður í frekar smáa bita, steikið grænmetið á djúpri pönnu  eða potti við meðal láan hita í um það bil 5 mín. Kryddið grænmetið með chilli flögum, salti og pipar.
  2. Hellið tómötunum og soðinu út í pottinn, hrærið saman og setjið pastað út í, setjið lokið á og sjóðið.
  3. Þegar spagettíið hefur soðið í um það bil 5 mín, setjiði þá spínantið út ofan í pottinn, sjóðið saman þangað til spagettíið er tilbúið.
  4. Rífið parmesan ost yfir réttinn og berið fram.

Njótið vel!

Ykkar, Linda Ben

Öll hráefni í þennan rétt fást í K0sti

Read More

Bloody Mary á tvo vegu

Bloody Mary er klassískur kokteill sem margir þekkja nafnið á en jafnvel ekki eins margir sem hafa smakkað. Ég er allavega ein af þeim sem hafði ekki smakkað drykkinn almennilega áður fyrr en fyrir stuttu. Það kom mér skemmtilega á óvart hversu góður drykkurinn var og skemmtileg tilbreyting frá sætu kokteilunum sem maður er vanur.

Það er skemmtilegt að skreyta Bloody Mary drykkina svolítið og gera þá virkilega flotta. Það er um að gera að leyfa hugmyndafluginu að ráða för. Það er algengast að skreyta með sellerístilkum og lime en það er svona klassíska útlitið.

Bloody Mary á tvo vegu

Alveg frá grunni:

  • Fullt glas af klökum
  • 2 skot vodka
  • 4 skot lífrænn tómatsafi frá R.W. Knudsen
  • ½ skot sítrónu/lime safi
  • 8 dropar hot sauce
  • salt og pipar

Þægindin í fyrirrúmi:

  • Fullt glas af glösum
  • 2 skot vodka
  • 4 skot Bloody Mary Mix frá Tobasco

Skreytið drykkina með sellerístilkum, lime sneiðum, ólífum fylltum með jalapeno og tómötum eða hverju sem ykkur langar að nota.

Njótið vel!

Ykkar, Linda Ben

Öll hráefni í þessa uppskrift fást í Kosti

Read More